Aldapeko sagarraren
adarraren puntan,
puntaren puntan,
txoria zegoen kantari!
Xiru liruli, xiru liruli,
nork dantzatuko ote du soinutxo hori?
Zubiburu zelaieko
oihanaren zolan,
zolaren zolan,
lili bat bada beilari!
Xiru liruli, xiru liruli,
nork bilduko ote du lili xarmant hori?
Mende huntan jasan dutan
bihotzeko pena,
penaren pena,
nola behar dut ekarri?
Xiru liruli, xiru liruli,
zuk maitea hartzazu ene pena hori!