GABEKO IZAR
Gabeko izar argitsuena
piztutzeakin batera,
haurtxo eder bat etorri zaigu
gaur arratsean etxera.
Ordu ezkeroz etxeko danak
poztu ta zoratzen gera,
haurra dalako zerutik honuntz
datorren Jainko berbera.
Zoraturikan aingeru pilak
alkar artean lehiazka,
zure goietik dakarkioke
urre hutsezko sehaska.
Guk eskeiniko maindire txuri
garbi ta ederrak badauzka;
geroztik gabiltz, haur inguruan
pozaren pozez ohiuka.
Alai ta pozik kanta dezagun
haurtxo honen etorrera,
gure iluna alaitutzeko
jaio den argi ederra.
Gaurtik aurrera atzerri hontan
zorionekoak gera,
haurra delako zerutik honuntz
datorren jainko berbera.
Gau eder hontan zeru goitikan
jaitsi da jauna berbera.
Zure hitz ona entzutearren
goaz leial Belenera.
Hitz egiguzu, jangoiko hitza,
isil-isilik bihotzera.
Zure ondoan gabon gau hontan
egotekotan baikara.