Haika mutil, jeiki hadi,
argia den mira hadi!
Bai, nausia, argia da;
gure oilarra kanpoan da.
Haika mutil, jeiki hadi,
euria den mira hadi!
Bai, nausia, euria da;
gure orra busturia da.
Haika mutil, jeiki hadi,
hortxet zer den mira hadi!
Bai, nausia, haizea da;
gure leihoa ideki da.
Haika mutil, jeiki hadi,
surik baden mira hadi!
Bai, nausia, sua bada;
gure gatua beroa da.
Haika mutil, jeiki hadi,
kanpoan zer den mira hadi!
Bai, nausia, elurra da;
lurra xuriz estali da.
Haika mutil, jeiki hadi,
urean zer den mira hadi!
Bai, nausia, ardia da;
aspaldian itoa da.
Haika mutil, jeiki hadi,
zer oinon den mira hadi!
Bai, nausia, egia da;
mutiltto hau unhatu da.