Ituringo arotza, Erramun Joakin,
haserre omen zaude zeren degun jakin.
Santurik ez laiteke fidatu zurekin:
San Kristobal urtu ta joaliak egin.
Arotzak erran dio bere andreari:
"Urtu behar dinagu; ekarran santu hori."
"Gizona ,zerta zoaz? Bekatu da hori."
"Etzionagu erranen sekula inori"
Ituringo garaile, Ramuntxo Joakin,
haserre omen zira zeren dugun jakin.
konfesa zaite ongi erretorearekin:
ez dute zer fidatu Santuek zurekin.
Kobrezko Santurikan inon bazarete,
egoten al zarete hemendik aparte:
baldin arotz horiek jakiten badute,
garien egiteko urtuko zaituzte.