PANDEROTXOA
Lo egin zazu ene panderotxoa, gaua zurekin da,
lo egin zazu ene panderotxoa iragana joana da.
Pandero zaharrak lo hartu zun laztoaren gainean,
zoru gainean zurrutadak leiho baten azpian,
handikan ikusten ditu neska-mutilen barreak,
gaztetako egun joanak ta aspaldiko erromeriak.
Leia hotzak utzi zion aspaldiko doinua,
haizeak eragindako kriskitiñen zarata,
larruari laztanduz kolperik leunena,
Mauriziaren kantu baten oihurik sakonena.